Kalaallit Nunaanni Naatsorsueqqissaartarfiup oqaatsit pillugit politikkia
Siulequt
Inatsisartut ulloq 19. maj 2010 Kalaallit Nunaanni suliffeqarfinni sullissivinnilu oqaatsit pillugit politikkimut inatsit akueraat, inatsisip paragraffia 9 immikkoortoq 2 malillugu, piumasarineqarpoq suliffeqarfiit pineqartut kingusinnerpaamik 1. oktober 2010 inatsisip piviusunngortinnissaa aallarnisassagaat.
Naatsorsueqqissaartarfiup inatsisip paragraffia 4 immikkoortoq 2,1 malillugu suliffeqarfiup oqaatsitigut pisinnaasai nalunaarusiornikuuaa.
Aallaqqaasiut
Kalaallit Nunaanni Naatsorsueqqissaartarfiup oqaatsit pillugit politikkimigut oqaatsit sullivimmi taamatullu avammut saqqummiussamigut naleqqussartarpai.
Kalaallit Nunaanni Naatsorsueqqissaartarfimmi suleqataasut aqutsisullu oqaatsit pillugit politikki imaattoq aalajangiuppaat, Inatsisartut inatsisaat nr. 7 19. maj 2010 –meersoq paragraf 4 malillugu:
Kalaallit Nunaat oqaatsinik arlalinnik atuiffiusoq
Kalaallisut oqaatsit tunngaviusumik oqaasiupput Kalaallillu Nunaanni oqaatsinik arlalinnik atuiffiusumi pingaarnersaallutik oqaasiuspput. Kalaallit Nunaanni Naatsorsueqqissaartarfik suliffeqarfiuvoq oqaatsinik arlalinnik atuiffiusoq taamatullu oqaatsinik kalaallisut, qallunaatut tuluttullu atuisoq.
1.1 Tunngaviusumik kisitsisit atorlugit nassuiaasiornikkut saqqummersitat ajornanngikkaangat kalaallisut qallunaatullu saqqummersinneqartassapput. Kisitsisaataasivimmi saqqummersitsinermi kalaallisut, qallunaatut tuluttullu ajornanngippat saqqummersitsisoqartassaaq.
1.2 Suliakkiisoqartoqanerani sullitassaq isumasiorneqartarpoq, oqaatsit sorliit atorlugit suliassaq naammassineqassanersoq, immikkummi ittunik piumasaqarneq akigititassamut sunniuteqarsinnaasarmat.
1.3 Aallaavittut kalaallit oqaasii, qallunaat oqaasiinut tuluillu oqaasiinut salliutinneqassapput, taamaalinikkut oqaatsit arlallit atorlugit tabeliliornerni kalaallisut taaguutit allallu allanneri siulliutinneqassallutik.
1.4 Kalaallit Nunaanni Naatsorsueqqissaartarfik oqarasuaatitigut, mailitigut allatigullu saaffiginnissutaasut, oqaatsit pineqartut pingasut saaffiginninnermi atorneqartut atorlugit akissuteqartassaaq.
Oqaatsinut ilinniarneq
2 Kalaallit Nunaanni Naatsorsueqqissaartarfiup akuersaarpaa oqaatsinut ilinniarnerup pingaassusia kissaatigalugulu sulisut oqaatsinik arlalinnik atuisuunissaat.